ຫວຽດນາມ ເປັນປະທານກອງປະຊຸມກະກຽມ ຂໍຄຳປຶກສາຈາກສານຍຸຕິທຳສາກົນ
ກ່ຽວກັບພັນທະຂອງປະເທດຕໍ່ການແກ້ໄຂບັນຫາການປ່ຽນແປງຂອງດິນຟ້າອາກາດ
ອີງຕາມຂ່າວຈາກວິທະຍຸກະຈາຍສຽງ ຫວຽດນາມ ລາຍງານໃຫ້ຮູ້ໃນ ວັນທີ 10 ມີນາ 2024 ຜ່ານມານີ້ວ່າ: ຄະນະຜູ້ຕາງໜ້າສອງປະ
ເທດ ຫວຽດນາມ ແລະ ວານູອາຕູ (Vanuatu) ປະຈຳ ສປຊ ໄດ້ສົມທົບກັນຈັດຕັ້ງກອງປະຊຸມກະກຽມກ່ຽວກັບການປະຕິບັດລະບຽບ
ການຂໍຄຳປຶກສາຈາກສານຍຸຕິທຳສາກົນ (ICJ) ກ່ຽວກັບພັນທະຂອງປະເທດຕໍ່ການແກ້ໄຂບັນຫາການປ່ຽນແປງຂອງດິນຟ້າອາກາດ.
ເຂົ້າຮ່ວມກອງປະຊຸມດັ່ງກ່າວ ມີບັນດານັກຊ່ຽວຊານນິຕິກຳ, ນັກຮຽນຮູ້ ແລະ ທະນາຍຄວາມສາກົນທີ່ມາຈາກ 20 ກວ່າປະເທດ ອາ
ຊີ-ປາຊີຟິກ, ຜູ້ຕາງໜ້າຄະນະປະຕິບັດງານຂອງບັນດາປະເທດປະຈຳ ສປຊ ແລະ ບັນດາອົງການທີ່ກ່ຽວຂ້ອງຂອງຫວຽດນາມ. ທ່ານ ດັ່ງ
ຮວ່າງ ຢາງ ເອກອັກຄະລັດຖະທູດ, ຫົວໜ້າຄະນະຜູ້ຕາງໜ້າ ຫວຽດນາມ ປະຈຳ ສປຊ ໄດ້ກ່າວມີຄຳເຫັນໄຂກອງປະຊຸມ ພ້ອມທັງເນັ້ນ
ໜັກວ່າ: ມະຕິປີ 2023 ຂອງສະມັດຊາໃຫຍ່ ສປຊ ໄດ້ຮັບຮອງເອົາການປ່ຽນແປງຂອງດິນຟ້າອາກາດ ເປັນສິ່ງທ້າທາຍລວມ, ສ້າງຜົນກະ
ທົບຢູ່ລະດັບທີ່ແຕກຕ່າງກັນໃຫ້ແຕ່ລະປະເທດໃນທົ່ວໂລກ.
ເພາະສະນັ້ນ, ທຸກປະເທດຕ້ອງມີຄວາມຮັບຜິດຊອບໃນການແກ້ໄຂບັນຫານີ້ຢ່າງມີຄວາມສະເໝີພາບ. ເລື່ອງບັນດາປະເທດທີ່ພວມ
ພັດທະນາ ຕັ້ງໜ້າເຂົ້າຮ່ວມຂັ້ນຕອນຕ່າງໆໃຫ້ ICJ ພິຈາລະນາ ແລະ ປະກອບຄຳຄິດເຫັນກ່ຽວກັບການປ່ຽນແປງຂອງດິນຟ້າອາກາດມີ
ຄວາມໝາຍສຳຄັນຍິ່ງ ແລະ ມີຜົນຕໍ່ຄວາມຮັບຮູ້ຂອງບັນດາປະເທດກ່ຽວກັບຄວາມຮັບຜິດຊອບດ້ານນິຕິກຳຂອງແຕ່ລະປະເທດ ໃນການ
ຮັບມືກັບການປ່ຽນແປງຂອງດິນຟ້າອາກາດ, ປະກອບສ່ວນກຳນົດກອບນິຕິກຳ ກ່ຽວກັບການປ່ຽນແປງຂອງດິນຟ້າອາກາດເທື່ອລະກ້າວ
ໃນໄລຍະຈະມາເຖິງ.
ແຫຼ່ງທີ່ມາ: ໜັງສືພິມກອງທັບ
ວັນທີ 13/03/2024